Fylliefnafundur Steinsteypufélagsins 18.október 2007 var að öllu leyti vel heppnaður. Fullt var út úr dyrum, fyrirlesarar stóðu sig mjög vel og mikil umræða skapaðist og mörg sjónarmið komu fram.
Fyrirlestrana er að finna hér undir skjástikunni Fróðleikur en meðal þess sem kom fram í umræðum var eftirfarandi:

• Íslensku fylliefnin eru mjög misjöfn. Allt frá mjög sterkum og veðrunarþolnum yfir í efni með mjög slaka eiginleika. Í öllum landshlutum má þó finna hæf fylliefni.
• Bestu íslensku fylliefnin taka fram þeim erlendu fylliefnum sem verið er að flytja inn.
• Það er lagaskylda að fylliefnaframleiðendur standist kröfur um CE merkingu. Ákvörðun hefur verið tekin að erfiðleikastig vottunar sé skv flokki 2b sem þýðir m.a. að gerð er krafa um ytra eftirlit. Ekki voru allir fundarmenn sammála um að þetta væri eðlilegur flokkur.
• Ýmsum fylliefnaframleiðendum fannst að verið væri að gera lítið úr þeirra vinnu og eftirliti. Þeir væru með bæði innra og ytra eftilit. Tekið var undir það af steypuframleiðendum. Þeir gerðu kröfur til fylliefnaframleiðandanna um vinnslu og eftirlit. Hvort það héti CE merking eða eitthvað annað væri ekki aðalatriði.
• Rætt var um lítinn skilning yfirvalda á hvaða verðmæti lægju í steinefnanámum. Lítið tillit væri tekið til þeirra í skipulagsvinnu. Sífellt dýrara væri að sækja efnin því efni næst notkunarstað væru að verða uppurin.
• Hugmynd kom fram um að hætta að kalla fylliefnin því nafni því það gæfi til kynna um væri að ræða ómerkileg uppfyllingarefni. Steinefni væri betra orð.
• Steypuframleiðendur töldu að aðalvandamálin við fylliefnin væri óstöðugleiki framleiðslunnar. Miklar sveiflur væru í kornakúrfum og eiginleikum. Þá kom fram að mikill munur er á vinnsluaðferðum hérlendis og þar sem best er erlendis þar sem efnunum er skipt í fleiri flokka og minni sveiflur væru.
• Stór kostur er að íslensku fylliefnin eru flest náttúruefni en erlendis hafa menn þurft í stórum stíl að brjóta efnin. Sandhluti slíkra efna nær ekki gæðum náttúrlegu efnanna. Kom fram að náttúrlegi hluti Aardalsnámunnar í Noregi mun verða uppurinn eftir 10 ár.
• Tækjabúnaður hefur verið þróaðir hérlendis í samvinnu við erlenda aðila sem metur bæði lögun og kornakúrfu á tiltölulega auðveldan hátt með tölvusjón. Þótt lögun og áferð kornanna sé eins mikilvæg og kornadreifing hefur ekki verið fram að þessu til tækjabúnaður til að mæla þetta á auðveldan hátt.

Dagskrá fundarins:
13.05-13.10 Inngangur
Einar Einarsson, formaður Steinsteypufélags Íslands

13.10-13.35 Kröfur til efniseiginleika steinefna í steinsteypu.
Pétur Pétursson jarðfræðingur, Nýsköpunarmiðstöð Íslands

13.35- 14.00 Hlutverk tilnefnds aðila (NB) og CE-merkingar.
Rögnvaldur Gíslason, verkfræðingur, Nýsköpunarmiðstöð Íslands

14.00-14.30 Vinnsla fylliefna.
Gunnlaugur Kristjánsson forstjóri Björgunar

15.00-15.30 Efnisskortur og skipulagsmál
Þorbjörg Hólmgeirsdóttir, jarðverkfræðingur VGK Hönnun

15.30-16.00 Prófanir á fylliefnum með tölvusjón og litrófsmælingu
Þorgeir S Helgason, jarðfræðingur Petromodeli og Almennu verkfræðistofunni

16.00-16.30 Áhrif brjóta á kornalögun, framleiðslueftirlit og CE-merkingar.
Börge Wigum, jarðverkfræðingur VGK Hönnun

16.30-17.00 Sjónarmið steypuframleiðanda
Kai Westphal, verkfræðingur Mest

EE