Kæru félagar,
 
Við viljum minna á fundinn okkar í dag, fimmtudaginn 29. apríl á Teams.

Þemað að þessu sinni er: “Steinsteypa: Verklýsingar og kröfur” og fundarstjóri er Ingunn Loftsdóttir, varaformaður Steinsteypufélagsins. 

Fyrirlesarar eru þrír og koma með stutt erindi frá framleiðanda, eftirliti og verktaka:

“Gæði steinsteypu - frá teikningu í mót” - Kai Westphal, Steypustöðin. 

“Til hvers eru verklýsingar” - Guðbjartur Jón Einarsson, Mannvit. 

“Unnið eftir verklýsingum - Sýn verktaka” - Heimir Rafn Bjarnason, Jà Verk. 

Mikil áhersla verður lögð á umræður á þessum þemafundi og hvetjum við fundarmenn til að taka þátt.
Hlekk á fundinn má finna hér og með því að smella á auglýsinguna þá opnast hún í nýjum glugga.

Hlökkum til að sjá sem flesta.

Kveðja, Stjórnin

Þrátt fyrir að stjórnin hafi ekki enn hist í raunheimum á þessu stjórnarári þá höfum við alls ekki setið auðum höndum og fundað reglulega í netheimum.
 
Um miðjan mars fór formaður félagsins, Børge, í viðtal hjá Rúv þar sem hann ræddi um starfsemi félagsins og þemafundinn okkar um umhverfisvæna steypu. Hlekk á viðtalið má finna hér.
 
Langar okkur að benda á að Norræna Steinsteypusambandið (NCR) gefur út tímarit tvisvar á ári með greinum tengdum rannsóknum á steinsteypu á norðurlöndunum. Allar greinarnar eru nú aðgengilegar og opnar öllum á netinu. Hlekk á tímaritið má finna hér. Einnig hefur verið opnað fyrir fundargerðir frá vinnustofum sem haldnar hafa verið og má þær finna hér.
 
Síðast en ekki síst þá er komin dagsetning á næsta þemafund félagsins en hann verður haldinn fimmtudaginn 29. apríl næstkomandi á Teams. Þemað að þessu sinni er: “Steinsteypa: Verklýsingar og kröfur”. Lárus Helgi Lárusson stjórnarmaður verður fundarstjóri og munu þeir Kai Westpal og Guðbjartur Jón Einarsson halda tölu. Að þessu sinni mun aðaláherslan verða á umræður enda þarft málefni að ræða. Hvetjum við því alla að spyrja spurninga og skapa umræður. Hlekk á fundinn má finna hér og með því að smella á auglýsinguna þá opnast hún í nýjum glugga.

​