Kæru félagar, 

Skráning er hafin á Steinsteypudaginn 2021 sem haldinn verður þann 5.nóvember næstkomandi. Steinsteypufélagið verður 50 ára í ár og verðum við með stútfulla og æsispennandi dagskrá yfir allan daginn. Með því að smella á myndina hér að neðan þá opnast dagskráin í nýjum glugga. 

Skráning á steinsteypufelag@steinsteypufelag.is fyrir 1.nóvember

Endilega látið fylgja með kennitölu og heimilisfang, sem og nafn, kennitölu og heimilisfang greiðanda ef annar en þáttakandi.

​Við bendum á að frítt fyrir nemendur í boði Aalborg Portland og Sementsverksmiðjunnar. (Hámark 30 nemendur). 

Hlökkum til að sjá sem flesta!

kv. 
Stjórnin

Steinsteypufélag Íslands veitir árlega viðurkenningar til námsmanna, sem klárað hafa lokaverkefni sín í tækniskóla eða háskóla. Áskilið er að verkefnið fjalli um grunnrannsóknir á steinsteypu eða tengt notkun steinsteypu, sem a.m.k. að hluta til eru úr íslenskum efnum eða ætluð til notkunar við íslenskar aðstæður. 

Umsóknum skal skilað fyrir 15.október á tölvupósti til félagsins á: steinsteypufelag@steinsteypufelag.is. Stjórn félagsins áskilur sér rétt til að hafna öllum umsóknum. 

Í umsókn skal m.a. koma fram nafn umsækjanda, heiti verkefnis ásamt ítarlegri lýsingu, heiti stofnunar sem verkefnið var unnið við og nafn/nöfn leiðbeinanda.  

Steinsteypudagurinn verður haldinn þann 5.nóvember næstkomandi á Grand Hótel. Steinsteypufélag Íslands verður 50 ára þann 11. desember og mun því áherslan verða á fortíð, nútíð og framtíð og má eiga von á hátíðardagskrá að þessu tilefni. Sigmál, fréttabréf félagsins mun koma út núna í lok október, fyrir Steinsteypudaginn eins og venjan er. 

Vel gengur að safna fyrirlesurum og greinum og er von á spennandi dagskrá og góðu fréttabréfi að venju. 

Vildum við að þessu sinni senda línu á félagsmennn og almennt steinsteypuáhugafólk og athuga hvort einhver lumi á góðum greinum í Sigmál eða fyrirlestrum sem það langar að leggja til. 

Áhugasamir geta sent tölvupóst á steinsteypufelag@steinsteypufelag.is

Dagskrá og efni í blaðið verður tilbúið um miðja næstu viku.  



Kær kveðja, 
Stjórn Steinsteypufélags Íslands