Föstudaginn 18. nóvember 2022 var haldinn sameiginlegur haustfundur um mannvirkjajarðfræði. Að fundinum stóðu fimm félög:

• Jarðfræðafélag Íslands
• Jarðtæknifélag Íslands
• Jarðgangafélag Íslands
• Steinsteypufélag Íslands
• ISCOLD

Hér má nálgast rafrænt ágripahefti fundarins.

Kæru félagar

stjórn félagsins minnir á haustfund um mannvirkjajarðfræði, sem haldinn verður föstudaginn næstkomandi, 18. nóvember. Auk Steinsteypufélagsins eru það Jarðfræðafélag Íslands, Jarðtæknifélag Íslands, Jarðgangafélag Íslands og ISCOLD sem bjóða til þessa sameiginlega haustfundar í Grósku, Bjargargötu 1 í Vatnsmýrinni.

Boðið verður upp á fjölbreytta og fróðlega dagskrá milli klukkan 9.00 og 16.00, sem endar með léttum veitingum og spjalli frá 16.00 til 18.00.

Þema fundarins verður mannvirkjajarðfræði og verða erindi upplýsandi frekar en mjög fræðileg. Um 20 erindi auk veggspjalda verða kynnt. Sjá drög að dagskrá í meðfylgjandi auglýsingu.

Félagsfólk er hvatt til að senda inn veggspjöld og ágrip.
Skráning fer fram á heimasíðu jarðfræðafélag Íslands, (sjá meðfylgjandi auglýsingu) eða hér.

• Almennt gjald – 15.000 krónur
• Ellilífeyrisþegar – 5.000 krónur
• Nemendur – 3.000 krónur

 
Kær kveðja, stjórnin

haustfundur_2022_auglýsing.pdf
​haustfundur_18_nov_2022_dagskrá_.pdf

Kæru félagar,
Stjórn félagsins minnir á morgunfund um alkalímál miðvikudaginn næstkomandi, 9.11. kl. 9.00-10.30
Dagskrá:

• Børge Johannes Wigum – HeidelbergMaterials/Hornsteinn: „Alkalívirkni í steinsteypu. Ný Byggingarreglugerð og RILEM-prófanir“
• Guðbjartur Jón Einarsson - Landsvirkjun: „Niðurstöður úr veðrunarstöð“

Að framsöguerindum loknum verða umræður um þau áhrif sem ný byggingareglugerð hefur á steinefna- og steypuframleiðendur.

Hlekkur á fundinn er hér.

Stjórnin minnir líka á næstu tvo viðburði og hvetur félagsfólk til að taka daginn frá fyrir þá:

• 18.11.: Haustráðstefna um mannvirkjajarðfræði
• 10.2.: Steinsteypudagur

Kveðja, stjórnin.