​Á þriðjudaginn í næstu viku, þann 13.nóvember, munu Steinsteypufélag Íslands og Mannvit halda morgunfund um sementsfestun í húsakynnum Mannvits, Urðarhvarfi 6, Kópavogi. Boðið verður upp á kaffi og meðlæti í hléi. Málstofan hefst klukkan 9.00 og klárast um klukkan 11.00

Skráning á steinsteypufelag@steinsteypufelag.is til og með föstudagsins 9.nóvember. 

Með því að smella á auglýsinguna hér á neðan þá opnast hún í nýjum glugga.
​ 

Steinsteypufélag Íslands óskar eftir áhugaverðum greinum tengdum byggingariðnaðinum til birtingar í fréttabréf félagsins sem gefið verður út í febrúar á næsta ári. 

Allar greinar þurfa hafa borist félaginu fyrir janúarlok 2018.

Áhugasamir sendi póst á steinsteypufelag@steinsteypufelag.is

Kveðja
Stjórnin

Stjórn Steinsteypufélagsins auglýsir hér með eftir nýjum framkvæmdastjóra félagsins.
Framkvæmdastjóri sér um daglegan rekstur félagsins, er jafnframt gjaldkeri félagsins og undirbýr fundi í samráði við stjórn. Stærsti atburður félagsins er Steinsteypudagurinn sem haldinn er í febrúar ár hvert. 

Umsóknarfrestur er til 1. júní

Umsóknir og fyrirspurnir sendist á steinsteypufelag@steinsteypufelag.is

​Steinsteypuverðlaunin 2016 voru veitt í fimmta sinn við hátíðlega athöfn á Steinsteypudeginum 2016 á Grand Hóteli þann 19. febrúar 2016 en þau eru veitt fyrir mannvirki þar sem saman fer frumleg og vönduð notkun á steinsteypu í manngerðu umhverfi.
 
Að þessu sinni er það Snæfellsstofa, gestastofa Vatnajökulsþjóðgarðs að Skriðuklaustri, sem hlýtur verðlaunin. Álit dómnefndar er að í þessu verki hafi hönnuðum tekist með efnisvali og formi að skírskota til umhverfisins í ágætu samspili og köllun til náttúrunnar. Tærleiki glersins minnir á himininn eða snævi þakta grund, þegar svo ber undir, málmurinn úr iðrum grjótsins, viðurinn í gróandanum og steinsteypan sem kallast á við melinn. Form byggingarinnar endurspeglar svo jarðfræði og landmótun fjallanna. Það er Vatnajökulsþjóðgarður sem er eigandi verksins. Um hönnun sáu ARKÍS arkitektar, Efla og VERKÍS, framkvæmd var í höndum VHE vélsmiðju og steypan kom frá Steypustöðinni á Egilsstöðum. Viðurkenningin er veitt mannvirkinu og öllum þeim sem komu að hönnun og byggingu.
 
Valnefnd Steinsteypuverðlaunanna er skipuð eftirtöldum:
 
Þorbjörg Hólmgeirsdóttir, formaður nefndar og fulltrúi Steinsteypufélags Íslands
Ólafur H. Wallevik frá Nýsköpunarmiðstöð Íslands
Björn Marteinsson tilnefndur af Verkfræðingafélagi Íslands
Jóhann Einarsson tilnefndur af Arkitektafélagi Íslands
Steinþór Kári Kárason frá Listaháskóla Íslands
 
Það er Steinsteypufélag Íslands sem stendur fyrir verðlaununum. Verðlaunin voru fyrst veitt árið 2010. Eftirtalin mannvirki hafa áður hlotið verðlaunin:
2010      Göngubrýr yfir Njarðargötu og Hringbraut
2011      Sundlaugin Hofsósi
2013      Nýja bíó
2015      M-laga sjónsteypa í tengibyggingu íþróttamannvirkja í Grindavík
​

Steinsteypudagurinn 2016 verður haldinn þann 19. febrúar næstkomandi á Grand hótel. Hér að neðan má sjá dagskrá Steinsteypudagsins í ár - skráning á steinsteypufelag@steinsteypufelag.is fyrir 17. febrúar. Hlökkum til að sjá ykkur!
​

Steinsteypudagurinn 2016 verður haldinn þann 19. febrúar á Grand Hótel. Von er á spennandi og fræðandi dagskrá en dagskráin mun birtast á morgun. Hægt er að senda tölvupóst á steinsteypufelag@steinsteypufelag.is eða fylla inn skráningarformið hér að neðan. Hlökkum til að sjá ykkur!