Skýrla stjórnar 2011-2012
Steinsteypufélag Íslands er eitt af merkilegri félögum landsins. Það lætur lítið yfir sér og einungis tiltölulega afmarkaður hópur veit af tilvist þess. Engu að síður fjallar það um málefni sem skipta húseigendur og aðra þá sem eiga og reka mannvirki miklu máli og stendur fyrir fjölsóttri heilsdagsráðstefnu um steinsteypu og annað sem skiptir þennan hóp máli. Það er því alltaf ánægjulegt að gera upp starfsár félagsins og sjá hversu metnaðarfullt starfið í reynd er. Hér verður gerð grein fyrir þeirri vinnu sem unnin var á síðasta starfsári.
Áreitisflokkar
Á haustmánuðum 2011 hófst vinna við leiðbeiningar fyrir hönnuði um hvernig fyrirskrifa eigi áreitisflokka í ÍST EN 206. Ljóst er að taka þarf afstöðu til ýmissa atriða en erlend heimildakönnun sýndi að í mörgum tilfellum er um misræmi að ræða því hægt sé að misskilja staðalinn. Á meðal þeirra flokka mannvirkja sem voru skoðuð eru hafnarmannvirki, bílastæðahús og mannvirki með aukinn líftíma. Áfram verður unnið að þessu verkefni. Stefnt er að útgáfu leiðbeininga í samvinnu Mannvirkjastofnunar, Nýsköpunarmiðstöðvar Íslands og Steinsteypufélagsins.
Námskeið
Félagið hélt áfram að beita sér fyrir bættri umgengni um steinsteypu með námskeiðahaldi um niðurlögn og meðhöndlun steypu. Haldin voru nokkur slík að beiðni einstakra fyrirtækja. Einnig var hafinn undirbúningur að því að félagið kynnti sér betur reynslu Norðmanna við uppbyggingu á sambærilegum námskeiðum.
Fréttabréf
Félagið gaf út fréttabréf sitt í upphafi árs 2012, eins og gert hefur verið á undanförnum árum. Efni blaðsins var bæði lýsandi fyrir starfsemi félagsins þetta árið og gaf tóninn fyrir Steinsteypudaginn 2012. Forsíðugrein fréttabréfsins var um breytingar sem hafa orðið á sementsmarkaði en nú hefur Sementsverksmiðjan á Akranesi hætt tímabundið framleiðslu á sementi. Einnig voru greinar um húsasótt, breytingar á byggingarreglugerð og um rannsóknir innan greinarinnar o.fl. Það voru einnig tvær einkar ánægjulegar greinar um viðurkenningar sem Íslendingum hafa hlotnast erlendis. Annars vegar fékk dr. Guðni A. Jóhannesson, Orkumálastjóri, sænsku Steinsteypuverðlaunin og hins vegar var prófessor Ólafur H. Wallevik verðlaunaður víða um heim og ráðstefnur haldnar honum til heiðurs. Auglýsingum var safnað og stóðu þær undir útgáfu blaðsins.
Steinsteypudagur 2012
Steinsteypudagur 2012 var haldinn að þessu sinni þann 17. febrúar og mættu tæplega 100 manns. Fyrirkomulag fundarins var með svipuðu sniði og síðustu tvö ár, fyrirlestrar birtir á vef félagsins til að halda kostnaði í lágmarki. Að venju var dagskráin fjölbreytt. Um rannsóknir og þróun fjölluðu þeir Ólafur H. Wallevik, Einar Einarsson, Guðbjartur Jón Einarsson og Þorsteinn Broddason. Umfjöllunarefni þeirra voru kolefnisspor steinsteypu, íblöndunarefni 101, myndvinnsla og greining við mat á v/s tölu og basalttrefjar. Yfirskrift næsta hluta fundarins var framkvæmdir steinsteypu. Fyrirlesarar voru þeir Helgi Hauksson, Kai Westphal, Gísli Guðmundsson og Aron Bjarnason og sögðu þeir frá áhrifum titrunar á loftkerfi og frostþol steinsteypu, hellulögnum, sementi og þeim breytingum sem í vændum eru og frá steinsteypu sem brotin er með vatnsþrýstingi þegar unnið er að viðgerð á gólfi.
Strax að afloknu hádegishléi var fjallað um raka í steinsteypu. Þar voru það Björn Marteinsson og Indriði Níelsson sem mættu og voru erindi þeirra um raka í byggingum og húsasótt. Einnig voru veitt tvenn nemaverðlaun sem að þessu sinni voru afhent þeim Þórði Kristjánssyni fyrir rannsóknir á endingu loftlausrar steinsteypu og Páli Viggó Bjarnasyni fyrir verkefnið „Bendilukt steinsteypa úr íslenskum efnum“. Síðasti hluti Steinsteypudagsins 2012 var þjóðfélagsleg umræða um stöðu iðnaðarins. Þar mættu þeir Tryggvi Jónsson frá Mannviti, Björn Karlsson frá Mannvirkjastofnun, Bjarni Már Gylfason frá Samtökum iðnaðarins og Sigurður Sigurðsson, ÍAV. Ræddu þeir um byggingariðnaðinn á Íslandi, helstu breytingar á byggingarreglugerð, jafnvægi á byggingarmarkaði og fyrirsjáanlegar breytingar í byggingariðnaði. Að loknum Steinsteypudegi var móttaka í boði félagsins.
Skipan stjórnar
Á aðalfundi félagsins s.l. vor gengu þau Ari Sigfússon og Þorbjörg Hólmgeirsdóttir úr stjórn og komu Guðbjartur Jón Einarsson og Þórður Kristjánsson í þeirra stað. Aðrar breytingar urðu ekki á stjórn.
Að lokum
Stjórn félagsins hefur fjallað um fleiri atriði en hér hafa verið tilgreind en ekki hefur unnist tími til að sinna þeim sem skildi. Þar má einna helst nefna verklýsingar fyrir múr og steinsteypu. Mikilvægt er að halda þeirri vinnu vakandi. Vert er að hafa hugfast að dropinn holar steininn og með markvissri vinnu og eljusemi erum við sífellt að bæta verklag og gæði. Svo megum við aldrei missa sjónar á sameiginlegu markmiði okkar allra sem er að reisa góð og traust mannvirki af þeim gæðum sem að er stefnt og standa undir væntingum verkkaupa og notenda.
Þorbjörg Hólmgeirsdóttir, Mannviti
fyrrum formaður Steinsteypufélags Íslands
Áreitisflokkar
Á haustmánuðum 2011 hófst vinna við leiðbeiningar fyrir hönnuði um hvernig fyrirskrifa eigi áreitisflokka í ÍST EN 206. Ljóst er að taka þarf afstöðu til ýmissa atriða en erlend heimildakönnun sýndi að í mörgum tilfellum er um misræmi að ræða því hægt sé að misskilja staðalinn. Á meðal þeirra flokka mannvirkja sem voru skoðuð eru hafnarmannvirki, bílastæðahús og mannvirki með aukinn líftíma. Áfram verður unnið að þessu verkefni. Stefnt er að útgáfu leiðbeininga í samvinnu Mannvirkjastofnunar, Nýsköpunarmiðstöðvar Íslands og Steinsteypufélagsins.
Námskeið
Félagið hélt áfram að beita sér fyrir bættri umgengni um steinsteypu með námskeiðahaldi um niðurlögn og meðhöndlun steypu. Haldin voru nokkur slík að beiðni einstakra fyrirtækja. Einnig var hafinn undirbúningur að því að félagið kynnti sér betur reynslu Norðmanna við uppbyggingu á sambærilegum námskeiðum.
Fréttabréf
Félagið gaf út fréttabréf sitt í upphafi árs 2012, eins og gert hefur verið á undanförnum árum. Efni blaðsins var bæði lýsandi fyrir starfsemi félagsins þetta árið og gaf tóninn fyrir Steinsteypudaginn 2012. Forsíðugrein fréttabréfsins var um breytingar sem hafa orðið á sementsmarkaði en nú hefur Sementsverksmiðjan á Akranesi hætt tímabundið framleiðslu á sementi. Einnig voru greinar um húsasótt, breytingar á byggingarreglugerð og um rannsóknir innan greinarinnar o.fl. Það voru einnig tvær einkar ánægjulegar greinar um viðurkenningar sem Íslendingum hafa hlotnast erlendis. Annars vegar fékk dr. Guðni A. Jóhannesson, Orkumálastjóri, sænsku Steinsteypuverðlaunin og hins vegar var prófessor Ólafur H. Wallevik verðlaunaður víða um heim og ráðstefnur haldnar honum til heiðurs. Auglýsingum var safnað og stóðu þær undir útgáfu blaðsins.
Steinsteypudagur 2012
Steinsteypudagur 2012 var haldinn að þessu sinni þann 17. febrúar og mættu tæplega 100 manns. Fyrirkomulag fundarins var með svipuðu sniði og síðustu tvö ár, fyrirlestrar birtir á vef félagsins til að halda kostnaði í lágmarki. Að venju var dagskráin fjölbreytt. Um rannsóknir og þróun fjölluðu þeir Ólafur H. Wallevik, Einar Einarsson, Guðbjartur Jón Einarsson og Þorsteinn Broddason. Umfjöllunarefni þeirra voru kolefnisspor steinsteypu, íblöndunarefni 101, myndvinnsla og greining við mat á v/s tölu og basalttrefjar. Yfirskrift næsta hluta fundarins var framkvæmdir steinsteypu. Fyrirlesarar voru þeir Helgi Hauksson, Kai Westphal, Gísli Guðmundsson og Aron Bjarnason og sögðu þeir frá áhrifum titrunar á loftkerfi og frostþol steinsteypu, hellulögnum, sementi og þeim breytingum sem í vændum eru og frá steinsteypu sem brotin er með vatnsþrýstingi þegar unnið er að viðgerð á gólfi.
Strax að afloknu hádegishléi var fjallað um raka í steinsteypu. Þar voru það Björn Marteinsson og Indriði Níelsson sem mættu og voru erindi þeirra um raka í byggingum og húsasótt. Einnig voru veitt tvenn nemaverðlaun sem að þessu sinni voru afhent þeim Þórði Kristjánssyni fyrir rannsóknir á endingu loftlausrar steinsteypu og Páli Viggó Bjarnasyni fyrir verkefnið „Bendilukt steinsteypa úr íslenskum efnum“. Síðasti hluti Steinsteypudagsins 2012 var þjóðfélagsleg umræða um stöðu iðnaðarins. Þar mættu þeir Tryggvi Jónsson frá Mannviti, Björn Karlsson frá Mannvirkjastofnun, Bjarni Már Gylfason frá Samtökum iðnaðarins og Sigurður Sigurðsson, ÍAV. Ræddu þeir um byggingariðnaðinn á Íslandi, helstu breytingar á byggingarreglugerð, jafnvægi á byggingarmarkaði og fyrirsjáanlegar breytingar í byggingariðnaði. Að loknum Steinsteypudegi var móttaka í boði félagsins.
Skipan stjórnar
Á aðalfundi félagsins s.l. vor gengu þau Ari Sigfússon og Þorbjörg Hólmgeirsdóttir úr stjórn og komu Guðbjartur Jón Einarsson og Þórður Kristjánsson í þeirra stað. Aðrar breytingar urðu ekki á stjórn.
Að lokum
Stjórn félagsins hefur fjallað um fleiri atriði en hér hafa verið tilgreind en ekki hefur unnist tími til að sinna þeim sem skildi. Þar má einna helst nefna verklýsingar fyrir múr og steinsteypu. Mikilvægt er að halda þeirri vinnu vakandi. Vert er að hafa hugfast að dropinn holar steininn og með markvissri vinnu og eljusemi erum við sífellt að bæta verklag og gæði. Svo megum við aldrei missa sjónar á sameiginlegu markmiði okkar allra sem er að reisa góð og traust mannvirki af þeim gæðum sem að er stefnt og standa undir væntingum verkkaupa og notenda.
Þorbjörg Hólmgeirsdóttir, Mannviti
fyrrum formaður Steinsteypufélags Íslands